II Ciclo de novos intérpretes

Maio de 2019

Ciclo de dous concertos de piano ofrecidos por 5 intérpretes da Asociación Pianeiros.

Entrada de balde ata completar aforo.

4 de maio: Programa [PDF] Cartel [PDF]

11 de maio: Programa [PDF] Cartel [PDF]

• Data: Maio de 2019
• Lugar: Salón de Actos, Conservatorio Municipal de Culleredo
• Categoría: Ciclo de piano

Pechar

Curso de interpretación pianística Pianeiros 2022

6 a 9 de xuño de 2022

O curso de interpretación pianística Pianeiros 2022 está organizado polo Conservatorio Profesional de Música de A Coruña e a Asociación Pianeiros e conta coa colaboración da Asociación de Nais e Pais do centro educativo, a ANPA MiFaSol.

O obxectivo deste proxecto de educación musical é estimular e favorecer o desenvolvemento musical dos máis novos, así como proporcionar aos máis maiores a oportunidade de ampliar a súa formación académica.

As clases serán impartidas pola profesora Carmen Deleito.

O período de inscrición é ata o 6 de maio. As prazas cubriranse por rigorosa orde de inscrición.

Máis información [PDF]

Inscrición online

• Data: Xuño de 2022
• Lugar: Conservatorio Profesional, A Coruña
• Categoría: Curso de interpretación pianística

Pechar

Cullencontro en 44,5 con Pianeiros

25 de abril de 2019

Charla coloquio. Divulgación da asociación Pianeiros. Promoción do vindeiro II Ciclo de novos intérpretes, coa actuación dun dos participantes.

Data e horario: Xoves 25 de abril, ás 19:30, no Auditorio Gustav Mahler, de Culleredo.

• Data: 25 de abril de 2019
• Lugar: Auditorio Gustav Mahler, de Culleredo
• Categoría: Ciclo de Piano

Pechar

Taller: Vence a ansiedade escénica

26 de abril de 2019

Vence a ansiedade escénica e desfruta das túas actuacións. ¿Queres superar os nervios antes dunha actuación? Cambia en 4 horas o xeito do que saes ao escenario.

Trainer: Chus Vega. Profesor de saxo, psicólogo, practicante na PNL e máis de 25 anos tocando en diferentes formacións.

Dirixido a estudantes de todos os instrumentos de máis de 12 anos.

Data e horario: Venres 26 de abril, de 16:30 a 20:30, no Conservatorio Superior de Música de A Coruña (Manuel Murguía 44, 15011).

Máis información [PDF]

Prezos:
25€ para socios da ANPA Mifasol ou Pianeiros
35€ non socios
+10€ seguimento trimestral

Datos bancarios.
Titular: AMPA MiFaSol do CMus profesional de A Coruña
Banco: ARQUIA, caja de arquitectos
IBAN ES30 3183 1500 9700 01210750
Concepto: Matrícula do curso “Vence a ansiedade escénica”, nome e apelidos do alumno.

Data límite de inscrición: mércores 24 de abril. Prazas limitadas por orde de inscrición.

O alumno deberá levar o seu instrumento e unha esterilla ao taller.

Inscrición online

• Data: 26 de abril de 2019
• Lugar: Conservatorio Superior de Música, A Coruña
• Categoría: Taller

Pechar

En clave de mar. A anulación do suxeito nº2. 2ª edición

Decembro 2019

Música de piano para frear o lixo marino

As asociacións coruñesas Pianeiros e Mar de Fábula ofrecen unha vez máis este impactante espectáculo, no que a música para piano servirá de elemento expresivo para concienciar sobre a problemática do lixo mariño.

Se eres pianista e queres participar, podes usar o este formulario e mandarnos un vídeo de máximo 5 minutos coa obra que desexas tocar e se resultas seleccionado, faite socio de Pianeiros.

O prazo para enviarnos a túa grabación remata o 22 de novembro.

Cartel da convocatoria [PDF]

Notas ó programa [PDF]

Nos medios:
Entrevista no prograa Allegro de domingo, de Radio Voz (8-12-2019)
Entrevista no programa Andante con moto, de Radio Clásica (7-12-2019)

• Data: 14 de decembro de 2019
• Lugar: Auditorio da Casa Dopeso, As Pontes
• Categoría: Proxecto

Pechar

Encontros con pianistas (Orquestra Sinfónica de Galicia)

Tempada 2019-2020

Unha das nosas actividades máis queridas é a asistencia a ensaios xerais dos concertos da Orquestra Sinfónica de Galicia nos que o programa inclúe concertos con solistas de piano. Inda que os horarios adoitan ser complicados para os nosos socios en idade escolar, sempre nos xuntamos un bo grupo, e desfrutamos do privilexio que supón ver traballar ós profesionais na preparación dun concerto. O contacto directo cos grandes pianistas que se achegan á Coruña é sen dúbida unha experiencia que enriquece musical e humanamente ós nosos socios.

• Data: Tempada 2019-2020
• Lugar: Pazo da Ópera, A Coruña
• Categoría: Encontros

Pechar

En clave de mar. A anulación do suxeito nº2

Xuño 2019

Música de piano para frear o lixo marino

O sábado 22 de xuño ás 19:00 horas o Aquarium finisterrae de A Coruña celebrou o seu 20 aniversario coa estrea da montaxe “En Clave de Mar. A anulación do suxeito nº 2”.

As asociacións coruñesas Pianeiros e Mar de Fábula colaboran para ofrecer este espectáculo -para todos os públicos, entrada de balde- no que a música para piano sirve para abordar o problema da contaminación plástica que invade os océanos.

A sala Maremagnum da Casa dos Peixes foi a gran protagonista. Houbo unha performance na que se invitou a participar ós asistentes, danza, técnicas pianísticas propias da música contemporánea, pezas clásicas e unha fábula: as Criaturas Caóticas de Xosé Manuel Barros. Participaron 15 pianistas da asociación Pianeiros de idades comprendidas entre 11 e 19 anos, a bailarina Enma Cabañas e o artista visual Pablo López, todos eles baixo a dirección artística da pianista Nuria Díaz Mera.

Notas ó programa [PDF]

Nos medios:
La Opinión de A Coruña (19-6-2019)
Mundoclasico.com (20-6-2019)
La Voz de Galicia (20-6-2019)
El español (20-6-2019)
Coruna.gal (22-6-2019)
Doce notas (24-6-2019)
La Opinión de A Coruña (24-6-2019)
El País (3-7-2019)

• Data: 22 de xuño de 2019
• Lugar: Aquarium Finisterrae, A Coruña
• Categoría: Proxecto

Pechar

Encontros con pianistas (Orquestra Sinfónica de Galicia)

Tempada 2018-2019

Unha das nosas actividades máis queridas é a asistencia a ensaios xerais dos concertos da Orquestra Sinfónica de Galicia nos que o programa inclúe concertos con solistas de piano. Inda que os horarios adoitan ser complicados para os nosos socios en idade escolar, sempre nos xuntamos un bo grupo, e desfrutamos do privilexio que supón ver traballar ós profesionais na preparación dun concerto. O contacto directo cos grandes pianistas que se achegan á Coruña é sen dúbida unha experiencia que enriquece musical e humanamente ós nosos socios.

• Data: Tempada 2018-2019
• Lugar: Pazo da Ópera, A Coruña
• Categoría: Encontros

Pechar

Participación no Piano Meeting Ourense

Setembro 2018

A segunda edición do Pianomeeting tivo lugar na cidade de Ourense o 22 de Setembro. A Asociación Pianeiros volveu apoiar este festival de piano, coa súa presenza en dous dos catro espazos con piano habilitados para os participantes, o Xardín do Posío e As Burgas.

Pasamos unha tarde estupenda ofrecendo a nosa música ós que se atreveron a desafiar a intensa calor. O público desfrutou de autores como Turina, Mendelssohn, Bach, Mompou, Rachmaninov, Brahms, Gliere... Unha gran iniciativa que achega a cultura á xente.

Noraboa ós organizadores deste macroevento musical polo gran traballo levado a cabo. O piano tomou as rúas da cidade das termas. Pianeiros tiña que estar alí, un ano máis!

Repertorio de Pianeiros

• Data: Setembro 2018
• Lugar: Ourense
• Categoría: Piano Meeting

Pechar

Curso: Do Barroco ao Clasicismo

Xuño de 2018

Curso de interpretación pianística impartido pola profesora Guadalupe López Castelo no Conservatorio Profesional de Música da Coruña entre o 25 e o 28 de xuño de 2018.

O período de inscripción abrangue do 20 de Abril ao 1 de Xuño (ambos os dous incluídos). As prazas cubriranse por rigorosa orde de inscripción.

Máis información [PDF]

Inscrición online

• Data: Xuño de 2018
• Lugar: Conservatorio Profesional, A Coruña
• Categoría: Curso de interpretación pianística

Pechar

Conto musical: Adelina e o piano durmido

Maio de 2018

"Imaxina... Podo ser a voz que fala por ti, a alegría, a traxedia, a inquedanza, a poesía, a calma... Escoita... Podo ser todos os sons que existen e tal vez os que aínda non foron inventados. Mais non podo ser sen ti, igual que non pode haber mar se non hai auga. Levaba tempo agardando e sinto que ti tamén me esperabas. Toca... para ti e para min, co corazón e coa alma"
Fragmento do relato que vertebrará o concerto deste domingo 13 de Maio ó mediodía no Auditorio Gustav Mahler do Conservatorio Profesional de Música de Culleredo.

Intérpretes da Asociación Pianeiros poñen un novo fío musical a esta fermosa historia de complicidade entre unha nena e o seu piano, escrita por Julia Cristina López Rodríguez, ilustrada por Xavier Loureiro Villamisar e narrada por Graciela Trevín González. Coa colaboración especial do actor Carlos Villarino, dando voz ó vello e cansado piano.

Programa de man

Esta actividade está organizada pola Asociación Pianeiros coa colaboración do Concello de Culleredo

Nos medios:
Entrevista en Radio Culleredo (5-10-2018)

• Data: Maio de 2018
• Lugar: Conservatorio Profesional, Culleredo
• Categoría: Conto musical

Pechar

Ciclo de novos intérpretes

Abril de 2018

Ciclo de tres concertos de piano ofrecidos por seis intérpretes da Asociación Pianeiros. Pianistas novos, si, pero xa cunha grande experiencia fronte ao público, que veñen de distintos puntos da xeografía galega: Noreia Hermida de Ferrol, Michelle Pena e Yuri Durán de Ribeira, Jacobo Ramos e Miguel Iglesias da Coruña e Lucas López de Monforte.

Música de piano en Novo Mesoiro, un dos barrios máis novos da cidade de A Coruña, gracias á colaboración da Academia Música Maestro.

Entrada de balde ata completar aforo.

Programa do día 7 de abril [PDF]

Programa do día 14 de abril [PDF]

Programa do día 21 de abril [PDF]

• Data: Abril de 2018
• Lugar: Novo Mesoiro, A Coruña
• Categoría: Ciclo de piano

Pechar

Conto musical: Adelina e o piano durmido

Febreiro 2018

Para a segunda edición de "Adelina e o piano durmido", un grupo de 14 pianeiros de idades entre os 8 e os 20 anos, achegouse ata o concello de As Pontes o día 3 de Febreiro de 2018. O concerto celebrouse no auditorio da Casa Dopeso, gracias á colaboración do Concello e do Conservatorio desta localidade da provincia de A Coruña.

O que máis nos gusta da historia de Adelina é que conseguimos que as palabras estén ó servicio da música, de xeito que en cada nova ocasión o conto se adapta coma unha luva ó repertorio que os nosos socios teñen entre mans nese momento. Resultou unha mañá pianeira moi fermosa, tanto que a experiencia nos deu pulo para pensar xa na seguinte edición!

Programa de man

Axenda do Conservatorio das Pontes

• Data: Febreiro 2018
• Lugar: Auditorio da Casa Dopeso, As Pontes
• Categoría: Conto musical

Pechar

Encontros con pianistas (Orquestra Sinfónica de Galicia)

Tempada 2017-2018

Unha das nosas actividades máis queridas é a asistencia a ensaios xerais dos concertos da Orquestra Sinfónica de Galicia nos que o programa inclúe concertos con solistas de piano. Inda que os horarios adoitan ser complicados para os nosos socios en idade escolar, sempre nos xuntamos un bo grupo, e desfrutamos do privilexio que supón ver traballar ós profesionais na preparación dun concerto. O contacto directo cos grandes pianistas que se achegan á Coruña é sen dúbida unha experiencia que enriquece musical e humanamente ós nosos socios. Ata agora asistimos ós ensaios con: Varvara Nepomnyaschaya (9-11-2017), Javier Perianes (25-1-2018), Alexei Volodin (16-2-2018) e haberá máis próximamente. Guauuuuuu!!!!!!

• Data: Tempada 2017-2018
• Lugar: Pazo da Ópera, A Coruña
• Categoría: Encontros

Pechar

Participación no Piano Meeting Ourense

Setembro 2017

O Piano Meeting foi un Festival de Piano gratuíto e para tódolos públicos que se celebrou o sábado 23 de setembro de 2017 na cidade de Ourense. Nesta primeira edición 4 pianos situados en 4 espazos da cidade achegaron a música e a cultura ás rúas a través do noso instrumento, o piano, o cal non é habitual atopar ao aire libre en Galicia, por razóns culturais e climáticas!

Nos, a Asociación Pianeiros, estivemos alí, colaborando coa nosa música, para acadar o ambicioso obxectivo dos organizadores: facer soar os pianos con 10 horas de música ininterrompida.

O día foi solleiro. Pola mañá tivemos o privilexio de tocar no piano situado a carón Burgas e pola tarde no Parque de San Lázaro.En total ofrecemos 3 horas e media de música de estilos moi variados, desde Mozart, Albéniz e Bach ate música de cine e series ou pasodobles tradicionais. Entre as actuacións, ademais de moitos solistas, que o fixeron francamente ben, houbo dúos a 4 mans, dúo de clarinete e piano (gracias, María Fraile, por animarte e vir co teu clarinete a "Brahmsear") e mesmo un sexteto de rapazas interpretou unha peza especialmente adaptada para que a puidesen interpretar a 12 mans!!! Espectacular!!! Foi un día moi intenso. Rematamos cansados, si, pero moi satisfeitos: Pianeiros tiña que estar nesta gran festa do piano na rúa.

Programa do Piano Meeting 2017
Orden de actuación da Asociación Pianeiros

Nos medios:
La Voz de Galicia (24-9-2017)
Blog do Concello de ourense

• Data: Setembro 2017
• Lugar: Ourense
• Categoría: Piano Meeting

Pechar

Presentación oficial da Asociación Pianeiros

Xuño 2017

O sábado 17 de xuño de 2017, ás 19:00 no MAC, Museo de Arte Contemporáneo Gas Natural Fenosa de A Coruña, tivo lugar a presentación oficial da Asociación Pianeiros coa interpretación do conto musical “Adelina e o piano durmido”, no que a música estivo a cargo de dezaseis xóvenes pianistas.

A historia, que foi escrita para esta ocasión tan especial por Julia Cristina López Rodríguez, quere ser unha metáfora do estreito vínculo que se crea ó longo de toda unha vida entre o pianista e o seu piano. A música e a narración se acompañaron coa proxección de ilustracións orixinais e inéditas vencelladas á narración. Xavier Loureiro Villamisar, o noso deseñador gráfico de cabeceira, fixo un traballo sensible e delicado, captando a esencia do personaxe de Adelina. Tamén contamos coa colaboración do actor Carlos Villarino, que deu voz ó vello piano durmido. O acto tivo entrada de balde e foi un grande éxito de crítica e público.

Programa de man

Nos medios:
La Opinión de A Coruña (14-6-2017)
El País (23-6-2017)

• Data: Febreiro 2018
• Lugar: MAC, A Coruña
• Categoría: Presentación, Conto musical

Pechar

I Xornadas de piano contemporáneo

Febreiro de 2017

Concertos didácticos ofrecidos por Elisa Vázquez Doval. Esta pianista, especializada en música contemporánea, realizou unha xira polos conservatorios de Santiago, A Coruña e Ferrol, co obxectivo de achegar a música do século XX e XXI ó público asistente, e en especial ós alumnos. O repertorio escollido, que ate incluíu unha estrea absoluta do compositor Alberto Hortigüela, foi sabiamente explicado por Elisa de maneira que espertou o interese e a curiosidade dos ouvintes. Así, despois das maxistrais interpretacións a cargo de Vázquez Doval, víronse moitas caras de entusiasmo á saída dos recitais!

Programa do ciclo de concertos no conservatorio

Nos medios:
La Voz de Galicia - Coruña (8-2-2017)
El Correo Gallego (8-2-2017)
La Voz de Galicia - Ferrol (10-2-2017)
El Correo Gallego (9-2-2017)
Diario de Ferrol (8-2-2017)
Blog Líneas Adicionales (17-2-2017)

• Data: Febreiro 2017
• Lugar: Conservatorios da Coruña, Santiago e Ferrol
• Categoría: Xornadas

Pechar

Encontros con pianistas (Orquestra Sinfónica de Galicia)

Tempada 2016-2017

Unha das nosas actividades máis queridas é a asistencia a ensaios xerais dos concertos da Orquestra Sinfónica de Galicia nos que o programa inclúe concertos con solistas de piano. Inda que os horarios adoitan ser complicados para os nosos socios en idade escolar, sempre nos xuntamos un bo grupo, e desfrutamos do privilexio que supón ver traballar ós profesionais na preparación dun concerto. O contacto directo cos grandes pianistas que se achegan á Coruña é sen dúbida unha experiencia que enriquece musical e humanamente ós nosos socios. Na tempada 2016/2017 os encontros foron estelares, coñecimos a primeiras figuras de orde mundial: Mª Joao Pires (28-10-2016), Elisso Virsaladze (27-1-2017) e Nelson Freire (30-3-2017). Guauuuuuu!!!!!!

• Data: Tempada 2016-2017
• Lugar: Pazo da Ópera, A Coruña
• Categoría: Encontros

Pechar